Ironi ndaj kandidatëve për Kryetar të Prishtinës/ Dukagjin Lipa: ‘Zyrtarizoj’ kërkesën time për inspektor ndërtimi

 2,150 total views,  1 views today

Familja e këngëtares shqiptare me famë ndërkombëtare, Dua Lipa, ndodhet këto ditë në Shqipëri.

Të premten, Dua vizitoi të adhtuquajturin tashmë ‘Sunny Hill Kindergarten’, i cili është një kopësht në ndërtim e sipër në qendër të Tiranës, i cili po finalizohet me ndihmë nga fondacioni i këngëtares Lipa.

Teksa ndodhet atje, Dua bashkë me të atin dhe familjarët e tjerë panë nga afër punimet që po zhvilloheshin në kantier, teksa në rrjetet sociale publikuan disa fotografi nga momenti i vizitës në punishte.

Babai i 25-vjeçares, njëherësh frontmeni i grupit ‘Oda’, Dukagjin Lipa, publikoi në InstaStory një imazh ku shfaqej me mjetet e punëtorit në hapësirën ku është duke u ndërtuar kopështi.

Me shaka ai shkroi në mbishkrimin e fotografisë se është gati të kandidojë për inspektor në Komunën e Prishtinës, gjersa i bëri ‘tag’ (etiketoi) kryetarin aktual dhe disa prej kandidatëve për zgjedhjet lokale.

“Trajnimin e kryva me sukses pranë Bashkisë Tiranë, e zyrtarizoj kërkesën time për inspektor të ndërtimit në Komunën e Prishtinës, lajmëroni sa më shpejt ju lutem se kemi kërkesa”, ka shkruar Lipa në fotografi.

Foto: Dukagjin Lipa/InstaStory

I njëjti ka etiketuar kryetarin aktual Shpend Ahmetin, si dhe kandidatin e PDK-së Uran Ismailin dhe atë të LDK-së, Përparim Ramën.

Share
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •