Medvedev theksoi se kur dy vende të tjera do t’i bashkohen aleancës, Rusia do të ketë dy kundërshtarë të tjerë “të regjistruar zyrtarisht” dhe gjatësia e kufijve tokësor të NATO-s me Rusinë do të dyfishohet
Ish-presidenti rus, Dmitry Medvedev, aktualisht nënkryetar i Këshillit të Sigurisë së Rusisë, ka paralajmëruar se nëse Finlanda dhe Suedia anëtarësohen në NATO, statusi jo-bërthamor i shteteve baltike nuk do të mund të diskutohet më, transmeton Anadolu Agency (AA).
Në një artikull të publikuar në kanalin e tij ‘Telegram’, Medvedev theksoi se kur dy vende të tjera do t’i bashkohen aleancës, Rusia do të ketë dy kundërshtarë të tjerë “të regjistruar zyrtarisht” dhe gjatësia e kufijve tokësor të NATO-s me Rusinë do të dyfishohet.
Ai tha se Rusia duhet të reagojë pa emocione dhe me gjakftohtësi, duhet të forcojë vijën kufitare me NATO-n, të forcojë forcat tokësore dhe sistemin e mbrojtjes ajrore, si dhe të vendosë marinën në Gjirin e Finlandës.
“Në këtë rast, nuk do të jetë më e mundur të flitet për ndonjë status jo-bërthamor të Baltikut, duhet të rivendoset ekuilibri. Deri më sot, Rusia nuk ka marrë masa të tilla dhe nuk do ta bëjë. Nëse jemi të detyruar, në rregull, merrni shënim, nuk ishim në që e ofruam këtë, siç tha edhe heroi i filmit të famshëm të vjetër”, theksoi Medvedev.
Më tej, ai tha se nuk është e përshtatshme të lidhet pranimi i Suedisë dhe Finlandës në NATO, pasi të dy vendet e kanë konsideruar anëtarësimin në NATO para se të fillonte konflikti në Ukrainë.
“Ne nuk kemi mosmarrëveshje territoriale me këto vende siç kemi me Ukrainën. Prandaj, çmimi i një anëtarësimi të tillë është ndryshe për ne”, tha ai, duke lënë të kuptohet se pranimi i Ukrainës në NATO mund të çojë në një konflikt të drejtpërdrejt midis Rusisë dhe NATO-s nëse Ukraina përpiqet të rimarrë Krimenë.
Ish-presidenti rus po ashtu theksoi se opinioni publik në Finlandë dhe Suedi për pranimin në NATO është i ndarë afërsisht përgjysmë pavarësisht propagandës. Ai shtoi se pranimi i tyre në NATO do ta bëjë botën më të rrezikshme.
Asnjë person i arsyeshëm, tha ai, nuk dëshiron çmime dhe taksa më të larta, tensione të shtuara dhe anije me armë bërthamore.
“Le të shpresojmë se zgjuarsia e fqinjëve tanë verior do të fitojë”, shtoi ai.
Të hënën, gazeta britanike ‘Times’, duke cituar burime raportoi se Suedia dhe Finlanda synojnë të anëtarësohen në NATO këtë verë.
