Njëri nga aksionarët e Manchester United, Jim Ratcliffe po synon një investim shumë të madh për Djajtë e Kuq, duke ndërtuar një stadium gjigantë.
Sipas The Times, Ratcliffe thuhet se ka në plan të ndërtojë një stadium të ri prej 100,000 vendesh për Manchester Unitedin.
Ratcliffe, së bashku me kompaninë e tij INEOS, janë paraqitur me dy opsione: ndërtimin e një stadiumi të ri ose rindërtimin e Old Trafford.
Nëse Old Trafford rindërtohet, kapaciteti i stadiumit do të rritet në 87,000 ulësesh, duke shtuar 13,000 vende, me ndryshime duke përfshirë mbylljen e tribunës Bobby Charlton.
Ky projekt mund të bëhet një nga rindërtimet më domethënëse në historinë britanike.
Ratcliffe dhe INEOS thuhet se favorizojnë ndërtimin e një stadiumi të ri, një projekt që vlerësohet të kushtojë 2-2.3 miliardë funte dhe të marrë rreth shtatë vjet për t’u përfunduar.
Vendimi zyrtar pritet të merret deri në fund të sezonit 2024/25. /Telegrafi/
