Në prag të largimit historik të Britanisë së Madhe nga BE, Boris Johnson priti sot kryediplomatin amerikan, Mike Pompeo për të diskutuar bazat e marrëveshjes tregtare pas Brexit-it, e shpresuar si nga Londra, ashtu edhe nga Uashingtoni, pavarësisht mosmarrëveshjeve.
Britania e Madhe dëshiron të arrijë një marrëveshje ambicioze tregtare me SHBA, por ky afrim ekonomik me aleaten e saj historike është ndërlikuar nga shumë tema, për t’u diskutuar gjatë vizitës.
Ndër to, bën pjesë veçanërisht përfshirja e Huawei-t në rrjetin britanik 5G, e miratuar nga Londra, pavarësisht paralajmërimeve të Uashingtonit se furnizuesi i pajisjeve është shumë afër qeverisë kineze, gjë që rrit rrezikun e spiunazhit.
Tema të tjera, që kanë krijuar tensione mes dy vendeve, janë plani i taksave britanike mbi gjigantët dixhitalë, mosmarrëveshjet në pikëpamjet për çështjen e armëve bërthamore iraniane.
Të gjitha këto e kanë shtyrë Boris Johnson-in të luajë rolin e ekuilibristit për menaxhimin e amerikanëve dhe europianët në çështjet kryesore ndërkombëtare.