Bokseri britanik Anthony Joshua do t’i mbrojë titujt IBF, WBA dhe WBO më 12 dhjetor kundër bullgarit Kubrat Pulev.
Pulev është sfidues i detyrueshëm i Joshuas sipas versionit IBF. Meçi do të zhvillohet në palestrën O2 të Londrës, ka njoftuar Sky Sport të premten.
Joshua, në rast fitoreje, e hap rrugën për një përballje me Tyson Furyn, për ta përcaktuar kampionin e padiskutueshëm në peshën e rëndë.
Fury mban titullin WBC. Fury ndërkohë do të boksojë edhe vetë më 5 dhjetor, por që kundërshtari ende nuk i është caktuar.
Në fakt, meçi mes Joshuas dhe Pulevit ishte paraparë të zhvillohej më 20 qershor në stadiumin e Tottenhamit në Londër. Por, për shkak të pandemisë globale Covid-19, lufta është shtyrë.
