Juventusi ka bërë ofertë për mesfushorin Granit Xhaka. Në fakt, mediumet angleze kanë raportuar të mërkurën se Juventusi i ka bërë Arsenalit një ofertë shkëmbimi, që mund të realizohet gjatë afatit kalimtar të janarit.
Për Xhakën, Juventusi i ka ofruar Arsenalit kartonin e mesfushorit amerikan Weston McKennie. McKennie nuk e ka bindur trajnerin e Juventusit, Massimiliano Allegri, i cili po e sheh Xhakën si përforcim ideal për repartin e mesfushës.
Xhaka ishte pranë transferimit te Roma gjatë afatit kalimtar të verës, por Arsenali refuzoi ofertën e ekipit nga Serie A.
Mesfushori 28-vjeçar, së fundi ka firmosur kontratë të re me Arsenalin, e cila do ta mbajë në klub deri në vitin 2024.
Xhaka është pjesë e Arsenalit prej vitit 2016 kurse këtë sezon ka katër paraqitje në të gjitha garat.
