Iftuar në emisionin e djeshëm të “Ndryshe” me Salsano Rrapi dhe Elona Duro ka qenë maestro Armaldo Kllogjeri. Ish-banori i edicionit të dytë të “Big Brother VIP” hodhi në gjyq Teatrin e Operës dhe Baletit, pasi një muaj para se të përfundonte “Big Brother VIP 2”, ku ai ishte konkurrent, e pushuan nga puna pas 20 vitesh karrierë. Nga ky gjyq ai doli fitues.
Abigeila Voshtina është shkarkuar nga posti i saj si Drejtoreshë e Taetrit të Oprës dhe Baletit pas një vendimi të martuar nga Këshilli i Ministrave. Në lidhje me këtë ngjarje ka reaguar maestro Armaldo Kllogjeri, i cili ka komentuar vendimin për shkarkimin e Voshtonës, përmes një postimi në rrjetin e tij social TikTok. “Karma ia the b**ch”, e nis kështu fjalën e tij Kllogjeri, duke thumbuar Voshtonën, e cila më parë ka pushuar nga puna maestron, sipas këtij të fundit.
Për këtë periudhë të vështirë të jetës së tij, ai shtoi:
Unë nuk kam dëshirë të viktimizohem, por viktimizimi vjen duke diskutuar dhe ndonjëherë nuk e kupton kur je duke u viktimizuar. Më vjen keq për kontributin. Unë në ato momente sa dola dhe më ra i gjithë qielli në kokë dhe isha me gruan shtatzënë. Ajo ishte në muajt e fundit të lindjes dhe me një fëmijë të mitur. Kishim shpenzuar para. Kuptohet që duke qenë brenda një shtëpie të Big Brother kërkon naftë, rroba, ilaçe. Pra, të gjitha këto kosto ishin mbi shpinën time dhe unë kur dola isha vetëm me rrogën e nuses.
Nisur nga kjo anë njerëzore dhe fitimin e gjyqit, Armaldo bëri një kërkesë live në emision për kryeministrin Edi Rama në lidhje me këtë çështje.
Unë kam fituar gjyqin për dëmshpërblim, jo për t’u rikthyer në punë, sepse procesin gjyqësor unë e hapa pasi kishte mbaruar afati për të hapur procesin për rikthimin. Unë do t’i them këtë. Zoti Kryeministër, përshëndetje! Duke qenë se ju keni qenë shumë herë iniciator i rregullimeve të marrëdhënies së punës për shumë qytetarë të Shqipërisë për padrejtësitë që u janë bërë që janë larguar nga puna, në rastin tim të shikoni konkretisht. Duke qenë se gjykata më ka dhënë të drejtë, atëherë është pa llogjikë që unë mos të kthehem në punë, sepse unë nuk kam bërë faj. Unë kam shumë nevojë për atë skenë. Dy vjet unë nuk kam marrë rrogë./TAR
