Një punëtor i konsullatës britanike në Hong Kong, i cili ishte ndaluar nga autoritetet kineze, është liruara nga paraburgimi. Lajmin e ka bërë të ditur familja e tij. Ai ishte mbajtur në ndalim për më shumë se dy javë.
“Simon Cheng është kthyer në Hong Kong. Faleminderit të gjithëve për përkrahjen tuja”, thuhet në një lajmërim të postuar në një faqe të Facebook-ut, të menaxhuar nga familja dhe miqtë e tij. Në njoftim gjithashtu thuhet se ai ka nevojë për pushim dhe nuk do të japë ndonjë intervistë këtyre ditëve.
Simon Cheng, 28 vjeç, zyrtar për tregti dhe investime në organizatën “Zhvillimi Ndërkombëtar Skocez”, kishte udhëtuar në Shenzen të Kinës në mëngjesin e 8 gushtit. Ai ishte zhdukur pasi kishte shkëmbyer disa porosi me të dashurën e tij.
Policia kineze tha se Cheng është liruar sipas planit pas 15 ditësh të ndalimit administrative dhe se është rrëfyer për veprat e tij ilegale. Në deklaratën e policisë nuk jepet ndonjë hollësi tjetër. Viteve të fundit, shumë aktivistë kinezë janë detyruar të flasin kundër vullnetit të tyre dhe të pranojnë krime të caktuara para medieve shtetërore.
Para disa ditësh, një zëdhënës i Ministrisë së Jashtme të Kinës tha se Cheng Cheng e ka shkelur ligjin për siguri të administratës publike. Më vonë, ai u akuzua nga mediet kineze se i ka vizituar disa prostitute, shkruan “The Guardian”.
