Trajneri i Liverpoolit, Jurgen Klopp, kishte vetëm fjalë të mira për Mohamed Salahun pas fitores 5:0 ndaj Watfordit.
Për trajnerin gjerman, Salahu aktualisht është lojtari më i mirë në botë.
“Për mua ai është më i miri. Ai është me siguri një nga më të mirët në botë. E shoh atë çdo ditë dhe kjo ndoshta e bën më të lehtë për mua. Në formë të mirë janë duke kaluar edhe Robert Lewandowski, Cristiano Ronaldo dhe Lionel Messi, por për momentin Salah është në krye të kësaj liste”, deklaroi Klopp.
Salah në sezonin e ri me Liverpoolin, në 10 ndeshje, ka shënuar 10 gola dhe ka bërë katër asistime.
