Organizatat e shoqërisë civile kombëtare dhe komuniteti ndërkombëtar i bën thirrje qeverisë shqiptare të respektojë vendimin e Konventës së Bernës duke pezulluar ndërtimin e Aeroportit Ndërkombëtar të Vlorës brenda zonës së mbrojtur Vjosë-Nartë
Tiranë, 13 shtator 2023 – Në përgjigje të thirrjes së Konventës së Bernës për të pezulluar ndërtimin e Aeroportit Ndërkombëtar të Vlorës në zonën e mbrojtur Vjosë-Nartë, një koalicion i organizatave kombëtare mjedisore, së bashku me aleatët ndërkombëtarë, bashkohen në një thirrje kolektive për qeverinë shqiptare, për të ruajtur dhe mbrojtur këtë thesar natyror.
Konventa e Bernës për Ruajtjen e Jetës së Egër në Evropë kërkoi zyrtarisht ndërprerjen e menjëhershme të aktiviteteve të ndërtimit për aeroportin ndërkombëtar që ndodhet pranë Lagunës Vjosë-Nartës në Shqipëri. Kjo lagunë shërben si një ndalesë kritike për mijëra shpend shtegtarë që udhëtojnë midis Evropës dhe Afrikës çdo vit.
Ky vendim i bën jehonë paralajmërimeve të ekspertëve dhe shkencëtarëve ndërkombëtarë të konservimit, si dhe institucioneve Evropiane.
Për të adresuar këtê çështje të ngutshme, organizatat e shoqërisë civile lajmërojnë për zhvillimin e një konference për shtyp ditën e enjte, më 14 shtator 2023, në orën 10:00, në Hotel Tirana International. Ekspertët do të ndajnë njohuri shkencore dhe ligjore mbi planet e diskutueshme për shkatërrimin e thellë që po bëhet brenda zonës së mbrojtur Vjosa-Nartë.
Ftohen përzemërsisht të gjithë anëtarët e medias të marrin pjesë në këtë organizim të rëndësishëm.
