Çështja e kthimit në atdhe i fëmijës në Siri, shkon përtej diplomacisë”, – tha sot ministri në detyrë për Europën dhe Punët e Jashtme, Gent Cakaj, ndërsa shton se po bëjmë maksimumin në koordinim me partnerët ndërkombëtar.
Gjatë konferencës për shtyp, Cakaj tha se se “ne jemi angazhuar maksimalisht dhe po bashkëpunojmë me të gjithë partnerët tanë për të realizuar këtë objektiv, por është një çështje e ndjeshme dhe nuk mund të flas publikisht për këtë rast”.
Për rastin e Alvin Berishës, i cili ndodhet në Siri, Cakaj bëri thirrje që të mos përdoret, sepse është një çështje që shkon përtej diplomacisë.
“Sikur të ishte për diplomacinë edhe vende të tjera të rajonit do t’i kishin kthyer edhe shtetasit e tyre në hapësirat përkatëse. Prandaj, ju lutem të keni mirëkuptim. Angazhimi ynë është maksimal, por është një çështje që duhet të bëhet në koordinim të ngushtë me partnerët tanë. Gjuha ime këtu është e përgjithshme, pikërisht sepse unë duhet të jem i kujdesshëm në raport me institucionin dhe unë duhet të ruaj konfidencialitetin që kërkon ky proces”, thekson ai./ATSH/
