Kryeministri i vendit dhe kryetari i Lëvizjes Vetëvendosje, ka marrë pjesë në kongresin e 30-të jubilar të Partisë së Socialistëve dhe Demokratëve Evropianë (PES) që u mbajt në Berlin të Gjermanisë.
Gjatë qëndrimit në Berlin, Kurti u takua me kancelarin gjerman, Olaf Scholz, me të cilin folën për çështjet aktuale politike por edhe për marrëdhëniet e mira mes dy vendeve.
Ai, gjithashtu takoi edhe presidentin e ri të PES-it, Stefan Lofven, dhe presidentin e deritanishëm, Sergei Stanischew.
“Me z.Lars Klingbeil, bashkëdrejtues i Partisë Social Demokrate gjermane, biseduam për rëndësinë e bashkëpunimit midis subjekteve tona politike dhe atij rajonal në kuadër të procesit të Berlinit”.
“Në përmbyllje të Kongresit, isha i nderuar të marr pjesë në darkën e liderëve, krahas pijësve të shteteve dhe qeverive evropiane, komisionerëve evropianë, udhëheqësve të partive dhe përfaqësuesve të tjerë nga kontineti ynë”, ka shkruar Kurti në llogarinë e tij në Facebook.
Tutje, i pari i VV-së tha se në këtë kongres u diskutua edhe për politikat si përgjigje ndaj ndryshimeve në sigurinë kombëtare, rritjen e çmimeve të energjisë, inflacionin, ndryshimet klimatike e sfidat sociale.
