Parqet dhe sheshet kryesore në Tiranë janë kthyer sot në destinacionin e qytetarëvë për orët e liridaljes.
Gjatë së dielës, nuk ka patur vetëm nga ata që janë te lejuar të lëvizin, por ka edhe nga ata që kanë thyer rregullin e lëvizjes, duke dalë më herët apo edhe duke qëndruar pas orarit.
Tirana ishte e pensionistëve deri në 10:30.
Ata kishin dalë herët për shëtitjen e së dielës. Për të respektuar rregullat anti-Covid, pensionistët dalin të shoqëruar vetëm nga një person.
Kohën disa e konsiderojnë të përshtatshme, pasi thonë se zgjohen herët.
Por të tjerë e konsiderojnë të pamjaftueshëm orarin.
Pas orës 9:30, gjyshërit duhet t’ua lënë vendin nipave dhe mbesave.
Prindërit me fëmijët me padurim presin fundjavën për të shijuar kohën e mirë pranverore, qoftë në sheshe, qofte në parqe.
Piknikët janë aktiviteti më i shpeshtë i fundjavës. Kodrat e liqenit të Farkës ishin të mbipopulluara.
Dy nga destinacionet më të frekuentuara në Tiranë janë Parku i Liqenit Artificial dhe ai i Farkës.
Por nuk mungojnë as shëtitjet në pedonale dhe sheshet kryesore të qytetit./Ora news/
