Zjarri u arrit të shuhet për rreth një orë e gjysmë me ndërhyrjen e tetë automjeteve dhe 60 pjesëtarëve të skuadrës zjarrfikëse
Njoftohet se katër fëmijë kanë humbur jetën si pasojë e një zjarri në një shtëpi në kryeqytetin e Britanisë, Londër, transmeton Anadolu Agency (AA).
Sipas një deklarate nga autoriteti zjarrfikës i Londrës thuhet se zjarri shpërtheu për arsye ende të paqarta në orët e natës në një shtëpi në zonën Sutton në jug të qytetit.
Zjarri u arrit të shuhet për rreth një orë e gjysmë me ndërhyrjen e tetë automjeteve dhe 60 pjesëtarëve të skuadrës zjarrfikëse.
Deri në ardhjen e ekipeve të ambulancës, katër fëmijëve iu dha ndihma e masazhit kardiak dhe pas dërgimit të tyre në spital u njoftua se ata kanë humbur jetën.
Komisari i njësisë zjarrfikëse të Londrës, Andy Roe, theksoi se të gjithë janë të trishtuar thellësisht nga humbjet e jetëve.
Në një deklaratë nga policia e Londrës u njoftua se shkaku i zjarrit po hetohet dhe se askush nuk është arrestuar.
