Linja ajrore e Lufthansa e Gjermanisë ka rënë dakord për një marrëveshje ndihme multi-miliardëshe euro me qeverinë e vendit, pasi kompania kërkon të mbështesë financat e saj mes pandemisë së koronavirusit.
Marrëveshja pritet të miratohet të hënën nga qeveria në një takim të një komiteti të ngarkuar me administrimin e rezultateve ekonomike të pandemisë.
Bordi mbikëqyrës i Lufthansa do të takohet gjithashtu për të diskutuar paketën e shpëtimit, që besohet të ketë vlerë rreth nëntë miliardë euro (9.8 miliardë dollarë; 8 miliardë pound), raporton agjensia e lajmeve AFP.
Pasi të miratohet, marrëveshja do të duhet të nënshkruhet nga aksionarët e linjës ajrore dhe rregullatori i konkurrencës, Komisioni Evropian.
Shumë nga linjat ajrore kryesore në botë po përjetojnë probleme financiare gjatë pandemisë, pasi kufizimet e udhëtimit vendosën frenime të konsiderueshme gjatë udhëtimit./BBC
