Presidenti venezuelas, Nicolas Maduro kërkoi sot që rezervat e arit venezuelian në Britaninë e Madhe, që ai i vlerëson me mbi 80 tonë, t’i kthehen mbrapsht vendit të tij, bëhet e ditur në një intervistë për BBC-në e transmetuar sot.
“Mund të ketë mbi 80 tonë ar venezuelian, që i përkasin Bankës Qendrore të Venezuelës’’, deklaroi lideri socialist, nën presion të fortë të opozitës dhe një pjese të konsiderueshme të komunitetit ndërkombëtar që kërkojnë largimin e tij nga pushteti, shkruan ATSH.
I ballafaquar me probleme të rënda të parave “cash”, për shkak të rënies së prodhimit të naftës dhe sanksioneve amerikane, qeveria po përpiqet prej disa muajsh të riatdhesojë rezervat e saj të arit të depozituara në Londër.
