Florian Marku është heroi i ditës. Mbreti shqiptar konfirmohet si një prej boksierëve më në formë pasi mposhti me KO në raundin e katërt një boksier me eksperiencë në boks.Gjyqtari ndërpreu ndeshjen, pasi e pa se Chris Jenkins nuk po qëndronte dot më përballë tij.
Pas ndeshjes Marku piketoi dy emra të rëndësishëm Conor Benn dhe Amir Khan.Kampionit shqiptar i ka ardhur një sfidë e hapur nga boksieri anglez Chris Kongo. Ky i fundit po shihte ndeshjen dhe pas eventit foli ashpër për Markun dhe i kërkoi duel.
“Marku thotë se e kanë frikë dhe po i shmangen, por s’është e vërtetë. Unë nuk i shmangem askujt, ja ku jam, gati të përballem me të. Jam futur dhe në ndeshje që e dija se mund ta humbisja, por guxova.“Jam rikthyer me fitore dhe jam gati. E pashë përformancën e tij sot, ai po humbiste, po humbiste vërtetë. Kishte një përformancë të dobët dhe e them me bindje.“Dua të ndeshem me të, ja ku jam. Me këtë performancë Florian Marku nuk mund të lidhë dot as këpucët e mia.
Ai ka frikë prej meje dhe po fshihet”, – tha ai. Chris Kongo është i 38 në renditjen botërore. Ai qëndron më lart se Marku në klasifikim, është britanik dhe ka 14 duele në shpinë. Kongo ka 13 fitore dhe një humbje. Një boksier kalibri.
