Mbrëmjen e sotme në aeroportin e Rinasit, kanë mbërritur 117 mijë doza vaksine “Pfizer”.
Lajmin e ka bërë me dije Ministrja e Shëndetësisë, Ogerta Manastarliu në një postim që ka bërë në rrjetet sociale, ndërsa shton se deri më tani në vendin tonë kanë mbërritur 2,379,960 vaksina.
“Sapo mbërritën 117,000 doza të vaksinës Pfizer, pjesë e kontratës së dytë prej 500 mijë dozash që do të vijnë brenda vitit.
2,379,960 vaksina kanë mbërritur deri tani, për të vijuar vaksinimin anticovid, për mbrojtjen e jetës dhe shëndetit të qytetarëve.
Jemi të vendosur të garantojmë vaksinat #falas për çdo qytetar, deri në fund të përballjes me pandeminë”– shkruan ministrja.
