Fund ‘luftës’ me familjen mbretërore.
Sado e çuditshme të tingëllojë, duket se Princ Harry dhe Meghan Markle kanë marrë vendimin për t’i ndalur sulmet. Ky lajm vjen nga tabloidi britanik ‘The Sun’, duke cituar burime të afërta me Harry-n dhe gruan e tij, Meghan.
Harry dhe Meghan mendonin se duhej të ndalonin sulmet rrepta ndaj anëtarëve të Pallatit Buckingham pas akuzave të ashpra që patën në intervistën me Oprah Winfrey, në shfaqjet e tyre në Netflix, si edhe librin e princit.
Nëse informacioni i gazetës britanike është i vërtetë, atëherë do të jetë një lehtësim i madh për Pallatin. Sidomos për babanë e Harry-t, mbretin Charles dhe gruan e tij Camilla, si dhe vëllanë e tij Ëilliam, Princin e Uellsit dhe gruan Kate Middleton.
Komentet dashakeqe të ‘rebelëve të pallatit britanik’ e kishin vënë Buckingham në një pozitë të vështirë, duke dëmtuar imazhin e Kurorës në të njëjtën kohë.
Kanë kaluar 1240 ditë nga ‘Megxit’, kur çifti vendosi në janar të 2020-ës të largohet nga pallati mbretëror dhe të zhvendoset në Florida, SHBA.
Burimet e cituara nga gazeta ‘The Sun’ pohojnë se çiftit Sussex i ka mbaruar… materiali, pra nuk kanë çfarë t’i atribuojnë familjes mbretërore britanike. Përveç kësaj, Harry dhe Meghan kuptuan se duke kritikuar vazhdimisht Buckinghamin, publiku është lodhur duke dëgjuar ankimet e tyre.
‘Kjo periudhë e jetës së tyre (në Buckingham Palace) ka mbaruar – pasi nuk ka asgjë për të thënë më shumë’, pohon për gazetën britanike një bashkëpunëtor i besuar i çiftit.
