Presidenti Ilir Meta sot ka qenë në Bylis ku ja ka marrë këngës “labçe’ me dy grupet e shquara polifonike “Gjergj Arianti” dhe “Bashkimi”.
Në videon e shpërndarë në Facebook kreu i shtetit e shoqëron me shkrimin “Nuk do lejojmë askënd të na cënojë identitetin tonë kombëtar dhe trashëgiminë e vyer kulturore e artistike, që na bën krenar si shqiptarë.“
Statusi i plotë i Presidentit Meta:
“Sot në Bylisin antik, në një nga kulmet e qytetërimit ilir, me dy grupet e shquara polifonike “Gjergj Arianti” dhe “Bashkimi” ja morëm këngës “Boria në Hekal ra”.
Nuk do lejojmë askënd të na cënojë identitetin tonë kombëtar dhe trashëgiminë e vyer kulturore e artistike, që na bën krenar si shqiptarë.
I pyetur edhe për projektligjin e PS, që ” i lidh duart Presidentit” Meta u shpreh: “Zero interes per keto drafte dhe perpjekje puciste. Ky eshte nje parlament jo kushtetues, nje parlament ku qytetaret kerkojne shpernarjen e tij te menjehereshme. Nje parlament ku nje pjese e mire jane edhe tradhetare dhe mercenare. Per mua ka vetem nje interes qe eshte 25 prilli dhe populli i Shqiperisë. Une kam nisur marshimin tim si president drejt referendumit te 25 prillit ky do te jete nje referendum shume i qarte pasi mbi 95% e shqiptareve do te votojne per Shqiperine ne Europe.”
