Përmes një postimi në Facebook presidenti Meta bën me dije se ka përfunduar takimin e kreun e opozitës, Lulzim Basha.
Meta shkruan se e siguroi për dekretimin e votimit të marrëveshjes së 5 qershorit.
Po ashtu, Meta thekson se e ka inkurajuar Bashën për të vazhduar frymën e konsensusit në Këshillin Politik.
Deklarata e Metës:
Sapo përfundova një takim me kërkesën time me Kryetarin e Partisë Demokratike dhe liderin e Opozitës së Bashkuar z.Lulzim Basha. E sigurova se do të dekretoj menjëherë ndryshimet e Kodit Zgjedhor në respekt të Marrëveshjes konsensuale të 5 qershorit.
E falenderova për kontributin konstruktiv në arritjen e Marrëveshjes së 5 qershorit dhe i kërkova të vazhdojnë punën në Këshillin Politik në frymën e konsensusit duke mos rënë pre e asnjë provokimi. Inkurajova vijimin e bashkëpunimit të ngushtë me të gjithë partnerët e investuar për çeljen sa më parë të negociatave të anëtarësimit të Shqipërisë me Bashkimin Europian dhe që kanë mbështetur Këshillin Politik në frymën e konsensusit dhe gjithëpërfshirjes.
