Ministrja e Arsimit, Sportit dhe Rinisë Evis Kushi ka njoftuar se ka rezultuar pozitive me Covid. Përmes një postimi në “Facebook”, Kushi shkruan se është karantinuar duke ndjekur të gjitha udhëzimet e mjekëve.
“Të dashur miq, pas testimit për COVID-19, ju informoj se kam rezultuar pozitive. Aktualisht jam karantinuar, duke ndjekur të gjitha udhëzimet e mjekëve dhe do të vazhdoj t’i përmbush detyrat nga shtëpia.
Ju bëj thirrje të gjithëve, të respektoni të gjitha rregullat dhe protokollet në fuqi, për parandalimin e përhapjes së virusit.
Uroj shumë shëndet për ju dhe familjet tuaja!”, shkruan Kushi.
