Deklarata e doktoreshës Theresa Tam, shefja e Shëndetit Publik në Kanada, ka bërë xhiron e rrjetit.
Tam ka këshilluar qytetarët që të mos puthen kur kryejnë marrëdhënie seksuale, në mënyrë që të mbrohen nga koronavirusi. Madje, mjekja ka shtuar se e mira është që në momentet intime të mbajnë maskë.
“Ashtu si në çdo aktivitet tjetër që përfshin kontakt të afërt fizik, ka disa gjëra që mund të bëhen në mënyrë që të ulim rrezikun e infektimit. Rreziku mund të ulet nëse mbajmë maskë dhe nëse shmangim puthjet”, shprehet Dr. Tam.
Po ashtu mjekja kërkon vetëpërmbajtje dhe shton se duhet të kontrollohet vetja dhe partneri për simptoma koronavirusi përpara aktivitetit seksual.
“Duke marrë masa dhe duke u treguar të kujdesshëm, qytetarët mund të vazhdojnë të shijojnë intimitetin fizik, duke ruajtur njëkohësisht veten nga infektimi”, shtoi Theresa Tam.
