Vëllezër e motra, te rinj e të reja të Shqipërisë.
I sapo kthyer nga pushimet ne atdhe, ju bej thirrje me shpirt e me zemër, te mos braktisni trojet tuaja shekullore.
Ky spastrim i Shqipërisë dhe zbrazje masive është thjesht tragjedi qe po shkatërron përfundimisht vendin tone.
Nuk është zgjidhje largimi. Mos u mashtroni nga premtime fallco.
Ngrihuni dhe largoni me revolucion paqësor dhe demokratik te gjithë ata politikane te bere njësh me krimin nga partia ne pushtet dhe opozita false qe kane drejtuar Shqipërinë për 32 vite.
Shqipërisë i duhet një politike e re qe ne themel te këtë emergjencën kombëtare te frenimit te fenomenit shkatërrues me pasoja katastrofike te largimit te rinise shqiptare.
Kudo shkova ne Shqipëri, askush nuk e sheh te ardhmen atje.
Është e dhimbshme, katastrofike dhe me pasoja te paparashikueshme për kombin tone.
Urgjentisht duhet një strategji kombëtare për te luftuar krimin politik dhe një brez politikanesh qe do t’u kthejnë shpresën rinise shqiptare se e ardhmja është ne atdhe e jo rrugëve te botes.
E ardhmja ju përket shqiptarëve e jo atyre qe janë bere bilionere ne kurrizin e tyre dhe flasin përditë falsitet demokracie. Mos humbisni patriotizmin, mendoni për te ardhmen, për fëmijët tuaj, për fëmijët e fëmije tuaj.
Mos u largoni, por qëndroni dhe ndryshoni Shqipërinë, ne miqësi te përjetshme me Shtetet e Bashkuara të Amerikës dhe Britaninë e Madhe!
Zoti i bekoftë Shqipërinë dhe shqiptarët
