Sipas mediave të huaja, raportohet se rreth 100,000 njerëz iu bashkuan një demonstrate pro-palestineze në qendër të Londrës sipas vlerësimeve të Policisë Metropolitane të qytetit.
“Që nga ora 14:00 (09:00 ET) tani vlerësojmë se numrat në demonstratë janë deri në 100,000” tha policia.
Një foto e postuar nga policia Metropolitane në mediat sociale tregon demonstruesit e mbledhur në zonën e Whitehall, ku ndodhen një numër ndërtesash qeveritare.
Protestat kanë shpërthyer në mbarë botën këtë javë, veçanërisht në botën arabe, me mijëra demonstrues dolën në rrugë në Egjipt, Jordani, Liban, Irak, Jemen dhe Bregun Perëndimor për të protestuar kundër veprimeve të Izraelit në luftën e tij kundër Hamasit.
