Nëndetësja turke “TCG Çanakkale” është ankoruar në Portin e Durrësit dhe kjo nuk është hera e parë që një nëndetëse turke “viziton” Shqipërinë.
Sipas një njoftimit të Autoritetit Portual të Durrësit në rrjetet sociale, nëndetësja ka mbërritur në bregdetin shqiptar më 9 mars, njofton Tch të enjten.
Në njoftim theksohet se vizita 3-ditore e nëndetëses turke është në kuadër të bashkëpunimit mes dy vendeve mbi shkëmbimin e përvojave ndërmjet flotës shqiptare dhe asaj turke.
Sipas të dhënave nga zyra e atasheut ushtarak pranë Ambasadës së Turqisë në Tiranë, nëndetësja është 62 metra e gjatë, peshon 1.400 tonë dhe ekuipazhi i saj përbehet nga 53 detarë. Gjatë viteve të fundit, Shqipërinë e kanë vizituar disa nëndetëse turke në kuadër të bashkëpunimit ushtarak mes dy vendeve.
