Këngëtari i ndjerë i popit Michael Jackson do të portretizohet nga nipi i tij 26-vjeçar Jaafar Jackson në filmin biografik “Michael”, bën me dije studio kinematografike Lionsgate.
“Michael” do të eksplorojë “njeriun e komplikuar që u bë Mbreti i Popit”, tha Lionsgate në një deklaratë. Filmi do të përfshijë “të gjitha aspektet” e jetës së tij dhe performancat më të rëndësishme që e vendosën atë në rrugën për t’u bërë një ikonë në botën muzikore,thuhet në deklaratë.
Prodhimi do të fillojë këtë vit dhe filmi do të drejtohet nga Antoine Fuqua dhe producent Graham King, të cilët u shprehën se Jaafar Jackson kishte një aftësi të natyrshme për të imituar xhaxhain e tij dhe për ta sjellë atë në jetë.
Dokumentari i vitit 2019 solli rrëfimet e Wade Robson dhe James Safechuck, të cilët pretenduan se ishin miq me Jackson dhe ishin abuzuar prej tij nga mosha 7 dhe 10, respektivisht, në fillim të viteve 1990.
Hitet e tij përfshijnë albumin “Thriller” të vitit 1982, i cili përmbante këngën e titullit si dhe “Billie Jean”. Jaafar Jackson është djali i vëllait të madh të Michael Jackson, i cili është gjithashtu një këngëtar dhe producent.
