Australia zbuloi një planin e partneritetit me një prodhues global të armëve për ndërtimin e raketave të veta për të rritur aftësitë mbrojtëse të vendit.
Kryeministri Scott Morrison njoftoi krijimin e përshpejtuar të një biznesi australian të armëve të financuar me një miliard dollarë (760 milion dollarë amerikanë).
”Ai do të mbështesë prodhimin e raketave dhe armëve për ushtrinë australiane”, tha zyra e Morrison në një deklaratë.
Departamenti i Mbrojtjes po kërkon një partner industrial për të drejtuar një strukturë të re për prodhimin e armëve në emër të qeverisë.
Kryeministri Morrison theksoi se ”ishte thelbësore të krijohej kapacitet sovran në tokën australiane”.
“Siç ka treguar pandemia Covid-19, të kesh kapacitet për vetëmjaftueshmëri, qoftë zhvillimin e vaksinave apo mbrojtjen e Australisë, është jetike për të përmbushur nevojat tona në një mjedis global në ndryshim”, tha Morrison.
