Një tërmet me magnitudë 7.2 ballë të shkallës rihter ka goditur gadishullin e Alaskës në orët e para të kësaj të diele.
Autoritetet ndërkohë lëshuan një paralajmërim për cunami për krahinat në afërsi të epiqendrës së tërmetit, që ndodhej rreth 88 kilometra larg qytetit Sand Point, duke e çaktivizuar më pas këtë paralamërim.
Gadishulli i Alaskës shtrihet në oqeanin paqësor dhe tërmetet atje janë të zakonshme. Qendra amerikane e survejimit gjeologjik regjistroi një tjetër tërmet me magnitudë 5.2 ballë të shkallës rihter rreth tre minuta pas tërmetit të fuqishëm, dhe më pas një tjetër me magnitude 3.5 ballë.
Pavarësisht se tërmetet janë të shpeshta në atë zonë, vetëm ato që janë mbi katër ose pesë ballë kanë tendencë të shkaktojnë dëme.
