Organizata Botërore e Shëndetësisë deklaroi se fëmijëve në Uzbekistan nuk duhet t’u jepen shurupe kundër kollës, të cilat prodhohen nga kompania me bazë në Noida, Marion Biotech.
Kompania me bazë në Noida është vënë në qendër të vëmendjes pasi Uzbekistani pretendoi vdekjen e 18 fëmijëve për shkak të konsumit të shurupit të kollës të prodhuar prej tyre.
Në një raport të publikuar së fundmi, OBSH ngren alarmin për shurupet e kollës të prodhuara nga indianët ku thekson se ato janë nën standardin e duhur.
“Produktet mjekësore nën standarde të prodhuara nga Marion Biotech, janë produkte që nuk përmbushin standardet ose specifikimet e cilësisë”.
Sipas The HealthSite, OBSH ka theksuar në mënyrë shumë specifike se shurupet e kollës të prodhuara nga kompania janë “nën standard” dhe me këtë nënkuptojnë se ilaçi nuk ka përmbushur standardet e cilësisë dhe për këtë arsye nuk duhet të prodhohet apo përdoret.
Në një njoftim të publikuar në faqen e zyrtare të OBSH-së, ata kanë specifikuar dy produkte në Uzbekistan si “nën standard” ose të kontaminuar.
Sipas raporteve të OBSH-së, laboratorët kombëtarë të kontrollit të cilësisë të Ministrisë së Shëndetësisë të Republikës së Uzbekistanit kryen një analizë laboratorike mbi shurupet e kollës.
Rezultatet treguan sasi të papranueshme të dietilen glikolit dhe/ose etilen glikolit si ndotës. Agjencia shëndetësore e OKB-së shtoi se, “Produktet nën standarde janë të pasigurta dhe përdorimi i tyre, veçanërisht te fëmijët, mund të rezultojë në lëndime serioze ose vdekje”.
A duhet t’u jepen fëmijëve shurupe kundër kollës?
Ekspertët thonë se fëmijëve, kryesisht foshnjeve dhe të vegjëlve nuk duhet t’u jepen fare shurupe kundër kollës. Nuk duhet t’i jepet askujt që është më pak se gjashtë vjeç. Në vend të kësaj, prindërit mund të përdorin ilaçe shtëpiake për të kuruar kollën dhe të ftohtin, për shembull, mjaltë ose një pikë limoni.
Pediatrit kanë deklaruar se ndonjëherë prindërit priren të vetë-mjekojnë fëmijën e tyre me shurupe kundër kollës pa recetë.
Ky është një hap shumë i rrezikshëm. Shurupet e kollës shpesh u jepen fëmijëve nga prindërit si zgjidhje për kollën por, shurupet nuk e shërojnë këtë problem. Ekspertët thonë se shurupet e kollës nuk janë një trajtim kurues por, simptomatik.
Dorëzohen pajisje në vlerë 7,3 milion denarë për nevojat e policisë së trafikut në Maqedoni
Kryetarja e Këshillit Republikan për Siguri në Komunikacionin Rrugor, Gordana Kozhuvarovska sot në Ministrinë e Punëve të Brendshme, ministrit për Punë të Brendshme, Oliver Spasovski i dorëzoi 12 motoçikleta “piaggio beverly” të cilat do t’i përdorë policia e trafikut. Pajisja është në vlerë mbi 7,3 milionë denarë.
“Përveç shumë shembujve të mëhershëm të partneritetit, sot po zyrtarizojmë edhe këtë dorëzim të pajisjeve, në vlerë prej mbi 7,3 milionë denarë, e cila përbëhet nga 12 motoçikleta “Piaggio Beverly”, komplet të pajisura për nevojat e policisë së trafikut, të cilat miqtë tanë nga SRSKRR sot po na e dorëzojnë në përdorim, tha Spasovski, duke shtuar se një partneritet i tillë paraqet shembull jashtëzakonisht pozitiv dhe të rëndësishëm se si mund dhe duhet të realizohet dhe zhvillohet bashkëpunimi ndërinstitucional, në këtë rast në interes të të gjitha palëve dhe pjesëmarrësit në trafik.
Kryetarja e Kësillit Republikan për Siguri në Komunikacionin Rrugor, Gordana Kozhuvarovska theksoi se bashkëpunimi ndërmjet KRSKRR-së dhe MPB-së është qëllim i përbashkët dhe obligim ligjor.
“Eksperienca nga vitet e kaluara dëshmoi se KRSKRR-ja dhe MPB-janë shembull për bashkëpunim dhe përkrahje pozitive ndëristitucionale i cili do të vazhdojë edhe në të ardhmen. Përparimi i punës së policisë dhe përmirësimi i kapaciteteve të saja është shumë i rëndësishëm për përmirësimin e kushteve të sigurisë në komunikacionin rrugor. Aplikimi i pajisjeve bashkëkohore teknike në procesin e menaxhimit dhe kontrollit më trafik do të rrisë ndjeshëm efikasitetin e policisë së trafikut dhe do të rrisë volumin dhe cilësinë e kontrolleve të realizuara nga ana e policisë së trafikut”, theksoi kryetarja Kozhuvarovska.
Pajisjet do të shpërndahen sipas nevojave të policisë së trafikut.
