Ndoshta shumë prej jush e kanë harruar, por Alexandre Pato vazhdon të luajë futboll. Sulmuesi 33-vjeçar sapo është rekuperuar nga një dëmtim i rëndë në gju dhe ka firmosur një kontratë afatshkurtër me Sao Paulon.
Ish-futbollisti i Milanit ka nënshkruar deri në dhjetor të këtij viti me klubin brazilian dhe paga e tij do të varet nga rendimenti që do të ofrojë në fushë.
Kjo do të jetë etapa e tretë e Patos me Sao Paulon. E para ishte në vitin 2014 dhe e dyta në vitin 2019.
Ndeshjen e fundit, Pato e ka luajtur në 14 gushtin e kaluar, me Orlando City. Braziliani ka luajtur për dy vite (2017 dhe 2018) edhe në Kinë, ku shënoi 30 gola.
