PD ngre akuza që në strukturat e Policisë së Shtetit po emërohen persona me të shkuar të errët. Pas lëvizjeve në policinë rrugore Ish-deputeti i Partisë Demokratike, Enkelejd Alibeaj ka akuzuar kryeministrin Edi Rama dhe ministrin e Brendshëm Lleshaj se po rikthejnë në kupolën e Policisë së Shtetit, eksponetë që kanë lejuar trafikun e drogës në Shqipëri.
Alibeaj: Dy emërimet e reja në poste të larta drejtuese në policinë e Shtetit, tregojnë se Edi Rama nuk ka në plan të plotësojë kushtet e Europës për të luftuar krimin e organizuar dhe trafikun e drogës. Drejtori i ri i policisë së Lezhës Erigert Mitri ka dy pika kulminante në karrierën e tij, që e lidhin drejtpërsëdrejti me kultivimin dhe trafikimin e kanabisit.
Edhe Drejtori i ri i Policisë Rrugore Edmond Targaj njihet në Polinë e Shtetit si një nga drejtuesit e lartë të policisë i përfshirë në kultivimin dhe trafikimin e drogës. Edmond Targaj bashkëpunoi me disa grupe kriminale në zonën e Dibrës për ta mbjellë atë me kanabis gjatë kohës që drejtoi policinë e Dibrës dhe, bashkë me drejtues të tjerë të policisë, i shërbyen Edi Ramës për të vjedhur zgjedhjet. Edmond Targaj është graduar në detyrë duke qenë pjesë e dosjes 184.
Alibeaj kujton se PD i ka denoncuar dhe me pare të dy drejtuesit dhe ata jo vetem që nuk jane ndeshkuar por po promovohen më tepër.
