Pentagon ka publikuar video të klasifikuar si sekret nga misioni i të mërkurës së kaluar të operacionit që shënjestroi udhëheqësin e terroristëve islamik, ISIS.
Në video vërehen shkëmbimi i zjarrit nga disa lokacione derisa ushtarët amerikanë ishin duke ju afruar kompleksit ku ishte fshehur krye terroristi
Xhirimi i bërë nga lartësia përmes fluturakes dron paraqet njësitet komando amerikane derisa po i afroheshin kompleksit të ISIS.
Komandanti i Komandës Qendrore të SHBA-ve, Gjeneral Frank McKenzie, po ashtu lajmëroi që ADN kishte konfirmuar se ai padyshim ishte lideri i ISIS. Mostrat e përdorura për konfirmim e krahasim të ADN-së të al-Baghdadi ishin marrë gjatë mbajtjes së tij në Kampin Bucca në Irka gjatë vitit 2004.
“…at the compound, fighters from two locations in the vicinity of the compound began firing on U.S. aircraft participating in the assault.”
– Gen Frank McKenzie CDR USCENTCOM pic.twitter.com/SkrtHNDs7w— U.S. Central Command (@CENTCOM) October 30, 2019
Gjenerali McKenzie tha se tërheqja e forcave nga Siria nuk ishte faktor kufizues në sulm, dhe nuk kishte të bënte asgjë me kohën e sulmit, që ishte përcaktuar “duke mbledhur informacionin e tërësishëm dhe faktorë tjerë që do të kishin ndikim në trupat sulmuese të hynin dhe dilnin”.
Vdekja e al-Baghdadi shënon fundin e gjurmimit të gjatë me vite për të zënë terroristin më të kërkuar në botë dhe njeriun që shpalli të ashtuquajturin kalifat islamik në Irak e Siri më 2014.
Ishte njoftimi më i rëndësishëm i vdekjes së një lideri terroristësh që prej kur Presidenti Barack Obama kishte njoftuar për vrasjen e Osama bin Laden nga njësitet e SEALS të Marinës Amerikane më 2011.
