Greqi- 77 emigrantë të paligjshëm janë shpëtuar nga policia greke në brigjet e Amorgos. Operacioni i shpëtimit u krye nga policia portuale.
Mediat greke shkruajnë se varka me vela me të cilën udhëtonin emigrantët e paligjshëm ndodhej mes Amorgos dhe Astypalaias. Të huajt fillimisht u rrethuan nga tre varka lundruese të rojes bregdetare.
Më pas u transportuan në portin e Naxos me një varkë portuale dhe një cisternë aty pranë.
Kujtojmë se ditë më parë BBC, publikoi një reportazh ku denonconte shkelje të rënda të rojeve bregdetare greke duke i akuzuar edhe për vrasjen e disa prej emigrantëve të paligjshëm duke u zhytur varkën në det.
