Kryetari i Prizrenit, Mytaher Haskuka ka njoftuar se në komunën që ai drejton janë konfirmuar edhe 16 raste të reja me Covid-19.
Përmes një postimi në Facebook, Haskuka citoi një raport të Institutit Kombëtar të Shëndetit Publik në Kosovë, ku ndër të tjera thuhet se Prizreni do të shpallet zonë karantine.
Postimi i plotë:
”Sipas raportit të sotëm të Institutit Kombëtar të Shëndetësisë Publike, në komunën e Prizrenit sot për fat të keq kanë rezultuar pozitive edhe 16 raste të reja me COVID-19.
Të gjitha këto raste kanë rrjedhur nga kontaktet e rasteve të mëparshme në komunën tonë.
Tani numri total i rasteve aktive me COVID-19 në Prizren është 21.
Menjëherë pas pranimit të raportit nga Instituti Kombëtar i Shëndetësisë Publike, u dakorduam me Ministrin e Shëndetësisë, Arben Vitia, që Prizrenin ta shpallim zonë karantinë.
Rrini në shtëpi. Kujdes për veten dhe familjen!”
