Qeverisë së Mbretërisë së Bashkuar i kërkohet të ofrojë mbështetje për kompaninë e shërbimeve hekurudhore Eurostar për frikën se ndikimi i koronavirusit mund të çojë në një valë të shkurtimeve të vendeve të punës.
Sindikata e Transportit Hekurudhor dhe Detar (RMT) tha që qëllimi i Eurostar për të ulur kostot me 20% mund të ketë “pasoja serioze” për operacionet në Mbretërinë e Bashkuar – kompania hekurudhore ka një terminal në stacionin St Pancras International në qendër të Londrës.
“RMT po kërkon mbështetjen e qeverisë për të mbrojtur vendet e punës dhe shërbimet e Eurostar nga rënia e pandemisë Covid-19”, tha Mick Lynch, ndihmësi i sekretarit të përgjithshëm të sindikatës.
Ai i bëri thirrje kryeministrit Boris Johnson që “të njohë rëndësinë afatgjatë për ekonominë britanike të këtyre shërbimeve të transportit cross-Channel”.
Në një deklaratën e sotme, Eurostar tha se kompania shpresonte të zvogëlonte kostot “përmes orarit të zvogëluar të punës dhe punës me kohë të pjesshme në mënyrë që të mbronte vendet sa më shumë që të ishte e mundur”.
Ndikimi i Covid-19 ka çuar në një rënie të paparë deri më tani të kërkesës në të gjithë industrinë e udhëtimit, dhe pandemia ka pasur një ndikim të madh në Eurostar, shtoi kompania./BBC
