Qiproja nuk do të pajtohet me listën e zyrtarëve bjellorusë që do të sanksionohen nga BE-ja për abuzimet e të drejtave të njeriut dhe mashtrimet zgjedhore, thanë sot diplomatët qipriotë.
“Vendi i ka lidhur sanksionet për Bjellorusinë me veprimet e ndërmarra kundër Turqisë”, njoftuan burimet.
Qiproja dhe Greqia i kanë bërë thirrje Bashkimi Europian të vendosë masa të tjera kufizuese ndaj Turqisë, në lidhje me çeshtjen e Mesdheut Lindor.
Deri më tani, BE ka vendosur vetëm sanksione të kufizuara, përfshirë ndalimin e udhëtimit dhe ngrirjen e aseteve për dy persona të përfshirë në aktivitetet në det të hapur, të pamjaftueshme për Qipron.
Sanksionet e BE-së kanë nevojë për miratim unanim nga vendet anëtare.
