Reali i Madridit nuk njeh kundërshtarë në La Ligën spanjolle. Skuadra Los Blancos e nisi në malore përballjen e javës së 27-të përballë Real Sociedad, gjithsesi morën maksimumin ndaj një rivali si Baskët.
Ekipi i trajnerit Ançeloti e pa veten shumë shpejt në disavantazh, megjithatë arritën që të triumfonin me shifrat 4-1. Golit të Ojarzabal iu përgjigjen dy mesfushorët, Kamavinga dhe Modriç që në pjesën e parë.
Fraksioni i dytë nxori në pah saktësinë e Benzema dhe talentin e Asensios, të cilët realizuan dhe sigluan shifrat përfundimtare në 4-1.
Me këtë fitore, Reali u ngjit në kuotën e 63 pikëve, 8 më shumë se Sevilja, teksa Sociedad gjendet në vendin e 6-të me 44 pikë. Sfida e radhës për kryeqytetasit do të jetë kundër Majorkës së sulmuesit Vedat Muriqi, ndërsa baskët presin Alavesh.
