Numri i infeksioneve me koronavirus të regjistruar në Gjermani në një periudhë 24-orëshe arriti në një nivel të ri historik prej 33 949 duke tejkaluar shifrën e regjistruar më 18 dhjetor 2020 me 172 persona.
Statistikat e tjera kryesore zbuluan gjithashtu një prirje alarmante.
Shifra e incidencës shtatëditore arriti në 154,5, nga 146,6 të mërkurën dhe 130,2 një javë më parë.
Një tjetër statistikë alarmante është numri i pacientëve të shtruar në spital me virus, i cili shihet si një tregues kyç për vendosjen e kufizimeve për popullatën e përgjithshme.
RKI vendosi numrin e së mërkurës në 3,62 për 100,000 banorë gjatë shtatë ditëve të fundit, nga 3,29 të martën.
Gjatë periudhës së Krishtlindjeve të vitit të kaluar, kjo shifër arriti në 15,5.
Ministrat e Shëndetësisë të 16 shteteve të vendit do të takohen sot në Lindau, në brigjet e liqenit të Konstancës, për të diskutuar situatën, mes një debati në rritje në Gjermani për valën e katërt të re të pandemisë dhe kufizimet e mundshme.
