Sulmuesi i Liverpoolit, Mohamed Salah, është emëruar si lojtari më i mirë i muajit tetor në Premier League, ndërsa trajneri Thomas Tuchel u shpall trajneri më i mirë.
Salah shënoi “hat-trick” në fitoren e thellë të Liverpoolit 5:0 kundër Manchester Unitedit, dhe realizoi gola të shkëlqyer individual kundër Manchester Cityt dhe Watfordit.
Egjiptiani është përfshirë në nëntë gola të realizuar nga skuadra e vet në ndeshjet e muajit tetor, duke i ndihmuar “të kuqtë” të shënojnë dy fitore e dy barazime.
Ai mposhti konkurrencën e Ben Chilwellit, Maxwell Cornetit, Phil Fodenit, Tino Livramentos, Aaron Ramsdalet, Decla Ricet dhe Youri Tielemansit.
Tucheli u emërua trajneri më i mirë i muajit tetor në Premier League pasi regjistroi rekord të 100%.
Skuadra e tij shënoi 14 herë dhe e pranoi vetëm një gol në serinë e katër fitoreve në po aq ndeshje.
Ishte më i suksesshëm se Jurgen Kloppi, David Moyesi dhe Patrick Vieira.
