Shtetet e Bashkuara kanë kryer sulme ajrore në Afganistan për të mbështetur forcat qeveritare nën presionin e Talibanëve.
Shtetet e Bashkuara po kryejnë fazën e fundit të tërheqjes nga ai vend, raporton reuters.
Zëdhënësi i Pentagonit, John Kirby u tha gazetarëve se sulmet ajrore u kryen në mbështetje të forcave afgane të sigurisë në ditët e fundit, por ai nuk dha detaje shtesë, raporton cnn.
Zëdhënësi i Talibanëve Zabihulah Mujahid tha se sulmet u kryen të mërkurën në mbrëmje në periferi të qytetit të Kandahar në jug të vendit gjersa tre luftëtarë të tyre u vranë dhe dy automjete u shkatërruan.
“Nëse ata kryejnë ndonjë operacion tjetër, atëherë ata do të jenë përgjegjës për pasojat”, paralajmëroi një zëdhënës i Talibanëve.
Pothuajse të gjitha trupat amerikane, përveç atyre që mbrojnë ambasadën në Kabul dhe aeroportin në kryeqytet, janë larguar nga vendi.
