Ish-senatorja kolumbiane, Ingrid Betancourt, ka njoftuar se do të kandidojë për presidente sërish, 20 vjet pasi ishte kidnapuar nga rebelët e krahut të majtë, raporton BBC.
Betancourt po bënte fushatë për zgjedhjet presidenciale të vitit 2002, kur ajo u kidnapua nga rebelët e grupit Farc dhe u mbajt peng për mbi 6 vjet.
Ajo ka premtuar se do ta luftojë korrupsionin dhe varfërinë nëse fiton zgjedhjet në maj.
“Sot jam këtu për të përfunduar atë që nisa”, i tha ajo përkrahësve të saj në kryeqendrën e Kolumbisë, Bogota. “Jam këtu për të luftuar për të drejtën e 51 milionë kolumbianëve që nuk po gjejnë drejtësi, pasi jetojnë në një sistem të ndërtuar për të shpërblyer kriminelët”.
Betancourt ishte larguar nga sytë e publikut që nga lirimi i tij nga forcat ushtarake kolumbiane në vitin 2008.
