161 persona kanë rezultuar të infektuar me Covid në 24 orët e fundit në Shqipëri. Lajmin e përcjell Ministria e Shëndetësisë në përditësimin e të dhënave për Covid, duke saktësuar se janë kryer 875 testime.
3 pacientë në moshë të thyer dhe të prekur nga Covid, kanë ndërruar jetë në 24 orët e fundit. Ndërkohë në spitalet Covid në Tiranë, janë të shtruar aktualisht 188 persona, mes të cilëve 21 në terapi intensive dhe 7 të intubuar.
Ministria njoftoi gjithashtu se në 24 orët e fundit janë shëruar 87 qytetarë prej Covid.
