Sllovenia është bërë anëtare jo e përhershme e Këshillit të Sigurimit pasi arriti t’i sigurojë 153 vota nga Asambleja e Përgjithshme e OKB-së.
Në reagimin e saj, ministrja e Punëve të Jashtme e Sllovenisë, Tanja Fajon, ka theksuar se sot është një ditë e madhe për Slloveninë.
“Sot është një ditë e madhe për Slloveninë, ne jemi zgjedhur anëtare jo e përhershme e Këshillit të Sigurimit të OKB-së”, ka thënë diplomatja Tanjan Fajon.
Sipas saj, ky rezultat ka ardhur për shkak të punës së palodhur të diplomacisë së shtetit slloven.
