Komuniteti shqiptar në Londër është organizuar për të zhvilluar një sërë protestash gjatë kësaj fundjave.
Tubimet, të njoftuara për t’u zhvilluar përgjatë ditës së sotme dhe nesër, kanë si thirrje kryesore dorëheqjen e kryeministrit Edi Rama. Organizatorët e këtyre protestave e kanë fokusuar mesazhin e tyre te lufta kundër korrupsionit, me moton: “Korrupsioni duhet të ndalet”.
Tubimi do të zhvillohet përpara godinës së Ambasadës së Shqipërisë në Londër, në adresën 33 St. George’s Drive, SW1V 4DG ora 14:00.
