Prokuroria e Posaçme Antikorrupsion i ka kthyer përgjigje Presidentit Meta pas kërkesës së dërguar nga Meta, i cili kërkoi informacion për gjendjen e ministrave të qeverisë “Rama 3” nëse janë duke u hetuar nga Prokuroria dhe në çfarë fazë janë hetimet.
“Asnjë prej emrave të paraqitur nuk është i regjistruar si person nën hetim në regjistrin e njoftimit të veprave penale të Prokurorisë së Posaçme,” informon SPAK.
Ditën e djeshme, 13 shtator Prokuroria e përgjithshme i ktheu Presidentit të njëjtën përgjigje për ministrat e qeverisë “Rama 3.”
Sipas përgjigjes në këtë institucion dhe në Prokuroritë e rretheve nuk ka hetime apo procedime për emrat e propozuar për kabinetin qeveritar.
Prokuroria e Përgjithshme dhe SPAK nisën verifikimin e 16 emrave të dërguara nga kryeministri në presidencë, për t’u dekretuar si ministra.
Verifikimi nisi menjëherë pas kërkesës së dërguar nga presidenti Meta, i cili kërkoi informacion për gjendjen e tyre nëse janë duke u hetuar nga Prokuroria dhe në çfarë fazë janë hetimet.
Verifikimi pritej të përfundonte në datën 14 dhe në 15 shtator t’i dërgohej Presidentit, por SPAK ka arritur t’i kthejë përgjigje Presidentit një ditë para afatit të përcaktuar./OraNews/
