Thomas Strakosha e ka marrë vendimin për të ardhmen e tij. Portieri shqiptar ka vendosur të largohet nga Lazio në fund të këtij sezoni si futbollist i lirë.
28-vjeçari ka refuzuar kontratën e re te ofruar nga Lazio duke njoftuar krerët e klubit se do të largohet në verë. Strakosha është i pakënaqur me hapësirën që e ka pasur këtë edicion, ku ka luajtur vetëm 810 minuta në total.
Drejtuesit e Lazios tashmë kanë nisur të kërkojnë pasuesin e Strakoshës, për të cilin interesim tashmë kanë shprehur Watfordi dhe Newcastle.
