Policia e Kosovës ka sekuestruar një tjetër sasi të konsiderueshme e armëve, municionit dhe pajisjeve të ndryshme ushtarake.
Në vijim të ngjarjeve të ndodhura në veri të Kosovës, konkretisht në fshatin Banjskë, Policia e Kosoës ka vazhduar kontrollin dhe krehjen e terrenit të asaj zone, e cila ishte shfrytëzuar nga grupi terrorist serb.
“Sot me datën 30.09.2023, është bërë kontrolli i terrenit që përfshin fshatin Brezne – Zveqan, pjesën malore të cilën e kanë shfrytëzuar sulmuesit, i cili ka rezultuar me gjetjen dhe sekuestrimin e një sasie të konsiderueshme të armëve të rënda, municionit e pajisjeve të ndryshme ushtarake”, thuhet në njoftimin e Policisë së Kosovës.
Sendet e gjetura dhe sekuestruara janë evidentuar sipas gjetjes në terren, e të cilat janë si në vijim:
– antiplumb,
– karikator me 30 fishek,
– kapelë dhe doreza,
– maskë ngjyrë e gjelbërt,
– maskë tjetër,
– antiplumb me tre karikator dhe 90 fishek,
– çantë e vogël për brez,
– pjesë e sipërme e uniformes,
– antiplumb me 3 karikator dhe 85 fishek,
– armë e gjatë me 5 karikator me nga 30 fishek,
– një rrip, dy karikator me nga 30 fishek, armë e gjatë dhe dy karikator të pistoletës me nga 15 fishek,
– gjoksore ngjyrë e zezë me 5 karikator nga 30 fishek dhe një granat dore,
– armë e gjatë me pesë karikator me nga 30 fishek,
– armë e gjatë me pesë karikator me nga 30 fishek,
– armë e gjatë me një karikator me 30 fishek,
– armë e gjatë me një karikator me 30 fishek,
– radio lidhje motorol,
– zolle,
– kapelë ngjyrë ushtarake,
– një antiplumb me një karikator dhe 30 fishek,
– një karikator,
– radio lidhje,
– xhakete shiut,
– një pako me cigare,
“Pas dokumentimit dhe paketimit, të gjitha provat materiale janë tërhequr nga ana e forenzikes, për të vazhduar me procedurat e mëtejme në bashkëpunim dhe koordinim me organet e drejtësisë”, thuhet në njoftim.