Detaje të reja janë zbardhur në lidhje me ngjarjen tronditëse të ndodhur në SHBA, ku një 15-vjeçare sulmoi me armë një shkollë private të krishterë.
Natalie Samantha Rapnaw hapi zjarr brenda një klase ku ndodheshin disa nxënës, duke lënë të vrarë një prej tyre dhe një mësues. e po ashtu ajo kreu vetëvrasje. Nga të shtënat u plagosën një mësuese tjetër dhe pesë nxënës. Sipas CNN, 15-vjeçarja po përballej me disa probleme, të cilat i kishte shprehur në një tekst të shkruar.
Por më i rëndë është fakti se para se të kryente krimin, adoleshentja ka postuar foto nga tualeti i shkollës, gjë që tregon se ishte përgatitur gjatë për këtë gjë. Ajo ka postuar një foto nga brenda tualetit të shkollës duke bërë shenjën “OK”.
