Prokuroria e Tiranës bën me dije se ka vënë në sekuestro preventive dhjetëra pasuri të luajtshme dhe të paluajtshme me vlerë 50 milionë euro, në pronësi të 7 personave të dënuar më parë në Belgjikë për trafik të lëndëve narkotike.

Në bashkëpunim me Seksionin e Krimit Ekonomik, Doganat dhe Tatimet, prokuroria kërkoi vendosjen e sekuestros preventive ndaj pasurive në zotërim të shtetasve E. A., M. T., K. B., D. B., E. B., V. A., E. B. dhe pasurive të disa subjekteve tregtare të provuar si në administrimin e shtetasve të lartpërmendur, për veprën penale ‘Pastrimi i produkteve të veprës penale ose i veprimtarisë kriminale’.

Nga hetimi i kryer, u siguruan prova se shtetasi E. A. ka themeluar një sërë shoqërish tregtare, me qëllimin të maskojë kryerjen e aktiviteteve të paligjshme nga ana e tij, me veprimtari të konsideruara si të ligjshme.

Ky shtetas, nëpërmjet krijimit të një sërë kompanive, disa prej tyre nën administrimin edhe të shtetasve K. B. apo V. A., kanë krijuar një skemë të mirëfilltë të pastrimit të produkteve të veprës penale.

Advertisement

---

MONEYGRAM

Nga hetimi i kryer është konstatuar kryerja e disa veprime fiktive si p.sh.: shitje – blerje automjeti, ku në të njëjtën ditë është kryer anulimi i veprimit juridik, duke u shitur më tej mjeti me çmim shumë të lartë, marrja e kredive nga banka të nivelit të dytë, në nivele të pajustifikuara, ku vetë banka çuditërisht del edhe garant i shumave të dhëna.

Pasuritë e Sekuestruara:

Për këto arsye, në bazë të nenit 274 të Kodit të Procedurës Penale Prokuroria kërkoi:

Advertisement

---

MONEYGRAM

Vendosjen e masës së sigurimit pasuror “Sekuestro preventive” në total për 14 shoqëri tregëtare;

Vendosjen e masës së sigurimit pasuror “Sekuestro preventive” tek pasuritë e shoqërisë “F…….” shpk:

• Pasuria e llojit “Arë”, me sipërfaqe totale 820 m2, me adresë Fshati Vrinë;
• Pasuria e llojit “ndërtesë”, me nr. Regjistrimi 00006769 datë 15.07.2021;
• Pasuria e llojit “ndërtesë”, me sip. totale 2,300 m2 ;
• Pasuria me nr. regjistrimi 00006769, datë 15.07.2021;
• Pasuria e llojit “ndërtesë”, me nr. pasurie 264/40ND1, sip. totale 276 m2;
• Pasuria me nr. regjistrimi 00006769, datë 15.07.2021 e llojit “truall”;
• Pasuria e llojit “arë”, me sip. totale 4,900 m2; dhe
• Pasuria e llojit “ndërtesë”, me nr. regjistrimi 00006769, datë 15.07.2021.

Vendosjen e masës së sigurimit pasuror “Sekuestro preventive” tek pasuritë e regjistruar në emër të shtetasit K. B., si më poshtë:

• Pasuria e llojit “Njësi”, me çmim të blerjes 9,300,000 Lekë;
• Pasuria e llojit “Njësi”, me çmim i blerjes 600,000 Euro;
• Pasuria e llojit “Dyqan”, me sipërfaqe 222 m2;
• Pasuria e llojit “Dyqan” me sipërfaqe 220.8 m2 dhe verandë me sipërfaqe 285 m2;
• Pasuria “Apartament”, me sip 201.8 m2;
• Pasuria “Garazh” me sipërfaqe 18.9 m2;
• Pasuria “Garazh” me vlerë totale 25,000 Euro ose 3,425,000 lekë (secili 25,000 Euro); dhe
• Pasuria e llojit “Autoveturë”, të tipit “Mercedez Benz”, në shumën 117,000 Euro.

Vendosjen e masës së sigurimit pasuror “Sekuestro preventive” tek pasuritë e regjistruara në emër të shtetasve E. A. dhe M. N., si më poshtë:

• Pasuria e llojit “Vilë” me sipërfaqe ndërtimi 171.6 m2 dhe sipërfaqe trualli 300.8 m2, me vlerë 370,000 euro;
• Pasuria e llojit “Truall” me çmimi i blerjes 370,000 euro; dhe
• Pasuria e llojit “Vilë Single A2”, sip. ndërtimi 334.2 m2 dhe sipërfaqe parcele 550 m2, me çmim blerje 480,000 euro.

Vendosja e masës së sigurimit pasuror “Sekuestro preventive” ndaj llogarive bankare të subjekteve, pranë bankave të nivelit të dytë.

Advertisement

---

MONEYGRAM